მანჩესტერ იუნაიტედის ყოფილმა კაპიტანმა, როი კინმა ყველაზე უხერხული მოწინააღმდეგე დაასახელა. ვეტერანი ფეხბურთელისთვის ასეთი არის ზინედინ ზიდანი, რომლის წინააღმდეგ ირლანდიელმა ექს-შუახაზელმა 6-დან 3 შეხვედრა წააგო.
"ყველაზე უხერხული მოწინააღმდეგე? ასეთი იყო ზიდანი. ფიზიკურად ძლიერი, ტექნიკური და აგრესიული ფეხბურთელი, რომელიც მნიშვნელოვან ბურთებს იტანდა. დიახ, ზინედინი უპირობოდ ყველაზე რთული მეტოქეა, რომლის წინააღმდეგაც მითამაშია"
ყოფილმა ირლანდიელმა ნახევარმცველმა ფრანგ მოწინააღმდეგეზე ყველაზე მნიშვნელოვანი გამარჯვება მოიპოვა ჩემპიონთა ლიგის 1998/1999 წლების 1/2 ფინალში, როდესაც "წითელმა ეშმაკებმა" სტუმრად ტურინის იუვენტუსს 3:2 მოუგეს. მომავალი ჩემპიონების ქამბექი სწორედ ირლანდიის ეროვნული გუნდის ყოფილმა კაპიტანმა დაიწყო.
