ბარსელონას ყოფილმა კაპიტანმა, ფრანკ დე ბურმა მწვავედ გააკრიტიკა ჟოაო კანსელო, მას შემდეგ, რაც მისმა გუნდმა ელ კლასიკოში მადრიდის რეალთან წააგო. პორტუგალიელმა განაპირა მცველმა დაუშვა რამდენიმე შეცდომა, რომელიც კატალონიელებს დაუჯდათ ძვირად და მატჩის დასრულების შემდეგ, მან ერთ-ერთი ყველაზე დაბალი შეფასებაც მიიღო.
"ახლა ვხვდები, თუ რატომ თქვა უარი გვარდიოლამ კანსელოზე. ის თამაშობს რაღაც გაურკვეველ, თავის ფეხბურთს და კრიტერიუმებსაც თავად ადგენს. ჟოაოსთვის მნიშვნელოვანია მხოლოდ ის, თუ რას აკეთებს ის ბურთთან ერთად. მცველი ხარ და მეტი მოგეთხოვება", - განაცხადა ყოფილმა ნიდერლანდელმა უკანახაზელმა.
შეგახსენებთ, რომ ამ მარცხის შემდეგ, სხვაობა "სამეფო კლუბსა" და "ბლაუგრანას" შორის 11 ქულამდე გაიზარდა. ლა ლიგის დასრულებამდე კი ექვსი ტურია დარჩენილი.