რეალ მადრიდის ბანაკიდან ახალი, საკმაოდ სენსაციური ინფორმაცია ვრცელდება — სამეფო კლუბთან დაახლოებული წყაროების ინფორმაციით, ვინისიუს ჟუნიორსა და ჩაბი ალონსოს შორის სიტუაცია უკიდურესად დაძაბულია, რის გამოც ბრაზილიელს ახალი კონტრაქტის გაფორმება არ სურს! 25 წლის ფეხბურთელმა ფლორენტინო პერესის ბოლო შეთავაზება უკვე დაბლოკა. საუბარი იყო ახალ, გრძელვადიან ხელშეკრულებასა და სოლიდურ ხელფასზე.
ზემოხსენებულ ინფორმაციას საკმაოდ სოლიდური წყაროები ავრცელებენ, რაც იმას ნიშნავს, რომ დიდი შანსია ბრაზილიელმა ვარსკვლავმა სეზონის ბოლოს მადრიდული გრანდი დავოტოს.
შეგახსენებთ, ვინის რეალ მადრიდთან არსებული კონტრაქტი 2027 წლამდე აკავშირებს, რაც იმას ნიშნავს, რომ სამეფო კლუბმა ბრაზილიელი ფეხბურთელი მომდევნო ზაფხულს თუ არ გაყიდა, შემდეგ მას უფასოდ დაკარგავს. არსებული ინფორმაციით, სიტუაციის გამოსწორების გზები არ ჩანს — ვინისიუს ჟუნიორს მკაცრად აქვს გადაწყვეტილი, რომ ის კლუბთან ახალ კონტრაქტს არ გააფორმებს.
