ვეტერანი ინგლისელი მეკარე დევიდ ჯეიმსი, რომელიც წლების განმავლობაში ინგლისის ნაკრებისა და ლივერპულის კარს იცავდა, ქართველ მეკარეზე გიორგი მამარდაშვილზე საუბრობს.
"ლივერპული მსოფლიოს ერთ-ერთი გამორჩეული კლუბია და იციან, ვინ უნდა მოიყვანონ. მამარდაშვილი ამ გუნდში პირდაპირი კონკურენტის სახით მივიდა.
მეკარის პოზიცია ყველაზე რთულად სათამაშოა, ამიტომ მას მოუწევს დაიჯეროს, რომ ისეთ დიდ გუნდში, როგორიც ლივერპულია, სათამაშოდ მზადაა.
მაგრამ მან უკვე ბევრ დიდ ტურნირზე ითამაშა, მაღალი დონის მატჩები ჩაატარა და არამგონია, ამაზე ნერვიულობდეს", - განაცხადა ჯეიმსმა.
