გასული თვის დასაწყისში ცნობილი გახდა, რომ ფინანსური პრობლემების გამო ბრეშამ არსებობა შეწყვიტა. საუბარია გუნდზე, რომელიც 2000-იანების დასაწყისში კალჩოში ერთ-ერთი ყველაზე კოლორიტული იყო. "ბიანკაძურის" საუკეთესო შედეგი არის მე-8 პოზიცია, 2000/01 წლების სეზონში.
ამის გარდა, "ლომები" იმ პერიოდში გასულან ინტერტოტოს თასის ფინალში, სადაც მხოლოდ სახლში გაშვებული გოლის ხარჯზე ამ გუნდმა პარის სენ-ჟერმენთან წააგო. ყველაზე საინტერესო რიგამონტის ბინადრებში იყო შემადგენლობა, რომლის წევრი არაერთი ლეგენდარული მოთამაშე ყოფილა.
ბრეშაში დიდებული კარიერის უკანასკნელი წლები გაატარეს რობერტო ბაჯომ და პეპ გუარდიოლამ. ასევე გამოსარჩევია გეორგე ჰაჯი, რომლის კარიერაში მადრიდის რეალიდან-ბარსელონაში ტრანსფერამდე, სწორედ "ბიანკაძური" იყო. ცალკე გამოსარჩევია ის ფაქტი, თუ რამდენ ახალგაზრდა მოთამაშეს მისცეს "ლომებმა" გასაქანი.
ანდრეა პირლო, ლუკა ტონი, მარეკ ჰამშიკი, სანდრო ტონალი - ეს არის მარიო რიგამონტიზე გაბრწყინებული ტალანტების არასრული ჩამონათვალი. სამწუხაროდ, ბრეშას ისტორია დასრულებულია და ამის მიზეზი გაკოტრება არის. იმედი დავიტოვოთ, რომ მომავალში კალჩოს ელიტაში "ბიანკაძურის" დაბრუნებას ვიხილავთ.
