მატჩის შემდეგ კომენტარი ნეაპოლელთა მთავარმა მწვრთნელმა ანტონიო კონტემ გააკეთა.
"პირველ ნახევარში ფეხბურთს ერთი გუნდი თამაშობდა, მაგრამ გოლი ვერ გავიტანეთ. მეორე ნახევარში როგორც თოვლი მზეზე, ისე დავდნით და მოვდუნდით. მეტოქემ გაგვიტანა, რის შემდეგაც ავირიეთ.
ნეაპოლელ ხალხს ბოდიშს ვუხდი. მწვრთნელი ვარ და პასუხისმგებლობას მე ვიღებ. აქ იმიტომ მოვედი, რომ გუნდში სიტუაცია გამოვასწორო. ამისთვის მაქსიმუმს ვაკეთებ და ბევრს ვმუშაობ", - განაცხადა კონტემ.
მოგეხსენებათ, კვარაცხელია ძირითად შემადგენლობაში იყო, თუმცა ნაპოლის ლიდერი პირველი ტაიმის მიწურულს მოედნიდან უხეში შეჯახების შემდეგ გაიყვანეს.
