პრემიერ ლიგის მე-15 ტურის ერთ-ერთი გამორჩეული მატჩი იორკშირში გაიმართა, სადაც მაყურებელმა ლიდს იუნაიტედისა და ლივერპულის საოცრად დაძაბული დაპირისპირება იხილა.
დანიელ ფარკეს გუნდმა საკმაოდ ძლიერ მეტოქეს არაფერი დაუთმო და მნიშვნელოვანი ქულებიც დააკარგვინა. მატჩი საბოლოო ჯამში ფრედ, 3-3 დასრულდა.
შეხვედრაში მონაწილეობა არ მიუღია მო სალაჰს, რომელიც მატჩის ბოლომდე სკამზე დარჩა. ეგვიპტელმა ვინგერმა მატჩის დასრულების შემდეგ მედიასთან საკმაოდ ხმაურიანი კომენტარი გააკეთა.
"ეს ყველაფერი ჩემთვის მიუღებელია.არ ვიცი, რატომ ხდება ეს ყველაფერი ჩემს თავს, უბრალოდ ვერ ვხვდები. ამ კლუბისთვის იმდენი რამ გავაკეთე, წესით არ უნდა მიწევდეს ყოველდღე ჩემი პოზიციისთვის ბრძოლა, რადგან ეს არ დამიმსახურებია.
არ ვფიქრობ, რომ მთავარი პრობლემა მე ვარ, მაგრამ როგორც ჩანს ისინი ასე ფიქრობენ.მწვრთნელთან კარგი ურთიერთობა მქონდა, მაგრამ უეცრად ყველაფერი შეიცვალა და ახლა არანაირი ურთიერთობა აღარ მაქვს მასთან. არ ვიცი რატომ მოხდა ასე. მეჩვენება, რომ ვიღაცას ჩემი კლუბში ყოფნა აღარ სურს. ყველაფერი ნათელია, ვიღაცას სურს, რომ ეს კრიზისი მე დამბრალდეს. კლუბი ზაფხულში ბევრ რაღაცას დამიპირა და ამის ფონზე, სამი თამაშია სათადარიგოთა სკამიდან ვიწყებ, არ ვიცი რატომ ხდება ეს.
მომავალი?ვნახოთ, რა მოხდება. ჩემს თავში თამაშით დავტკბები, მაშინაც კი, როცა არ ვთამაშობ. ვნახოთ, რა მოხდება შემდეგ ტურში, მატჩი ენფილდზე იქნება, გულშემატკივრებს დავემშვიდობები და აფრიკის თასზე წავალ... ამ პერიოდში რა მოხდება, ნამდვილად არ ვიცი."
