პირველი ტაიმი მინიმალური სხვაობით დავთმეთ, რასაც მეორე ნახევარში კიდევ ორი გოლი: 50-ე და 54-ე წუთებზე მოჰყვა. 54-ე წუთზე მატჩის ხორვატმა მთავარმა არბიტრმა ჩვენს კარში თერთმეტმეტრიანი ბუნდოვან სიტუაციაში დანიშნა. შეხვედრის ბოლოს, 84-ე წუთზე, ჩვენს კარში მეორე პენალტიც დაინიშნა, თუმცა ამჯერად მათე საურმა მეტოქეს არ გაატანინა და თერთმეტმეტრიანის მოგერიება შეძლო.
უნდა აღინიშნოს, რომ სოლიდური სხვაობის მიუხედავად, ჩვენმა გუნდმა რამდენიმე საინტერესო საგოლე მომენტი შექმნა, თუმცა სახიფათო მომენტების რეალიზება მთელი შეხვედრის მიმდინარეობისას უჭირდა.
ინფორმაციისთვის გეტყვით, რომ მატჩს გამოაკლდა ვახო სალია, რომელიც ყვითელი ბარათების გამო, დისკვალიფიცირებული გახლდათ.
⭕შენიშვნა: მასალა შეიცავს საქართველოს ფეხბურთის ფედერაციის ფოტოს
აღნიშნულ მატჩამდე, დავით პეტრიაშვილის სახელობის სტადიონზე მონტენეგროსა და სლოვაკეთის 19-წლამდე ნაკრებების შეხვედრა შედგა, რომელიც ფრედ დასრულდა (1-1), ვინაიდან, ჯგუფური ეტაპის შეხვედრებს საქართველო მასპინძლობს.
22 მარტს, საქართველოს 19-წლამდე ნაკრები კვლავ მესხი 2-ზე - სლოვაკეთს, ხოლო 25 მარტს - მონტენეგროს დაუპირისპირდება. მატჩების პირდაპირი რეპორტაჟი დაგეგმილი საქართველოს პირველ არხზეა.
გეტყვით იმასაც, რომ ჯგუფიდან ფინალურ ეტაპზე გასვლას მხოლოდ პირველადგილოსანი ნაკრები შეძლებს.
19-წლამდე ნაკრებების 2025 წლის ევროპის ჩემპიონატი 13-26 ივნისს, რუმინეთში შედგება.
⭕შენიშვნა: მასალა შეიცავს საქართველოს ფეხბურთის ფედერაციის ფოტოს
