დადასტურებულად — პეპ გვარდიოლა მიმდინარე სეზონის დასრულების შემდეგ მანჩესტერ სიტის დატოვებს! მიუხედავად იმისა, რომ ესპანელ სპეციალისტს "ქალაქელებთან“ არსებული კონტრაქტი 2027 წლამდე აკავშირებდა, 55 წლის მთავარმა მწვრთნელმა წასვლა მაინც გადაწყვიტა.
იმის შესახებ, რომ გვარდიოლა მანჩესტერ სიტის დატოვებას სერიოზულად განიხილავდა, პირველად გასული წლის მიწურულს დაიწერა. ბევრი ვარაუდობდა, რომ 2025/26 წლების სეზონი ესპანელისთვის "ქალაქელების“ მთავარი მწვრთნელის პოსტზე ბოლო იქნებოდა და, როგორც აღმოჩნდა, ეს ინფორმაცია სიმართლეს შეესაბამებოდა.
გვარდიოლა მანჩესტერ სიტის მთავარი მწვრთნელი 2016 წელს გახდა — მისი ხელმძღვანელობით ეტიჰად სთედიუმის ბინადრებმა 20 ტიტულის მოგება მოახერხეს.
რაც შეეხება მის პოტენციურ შემცვლელს, გავლენიან წყაროებს თუ დავუჯერებთ, მანჩესტერ სიტის ენცო მარესკა ჩაიბარებს.
