ჯუდოს საერთაშორისო ფედერაციამ, 2025 წლის ევროპის ჩემპიონატის დასრულების შემდეგ, ახალი რეიტინგი გამოაქვეყნა და ქართველების პოზიციები განაახლა.
-60 კგ წონით კატეგორიაში ევროპის ჩემპიონატზე მოპოვებული ოქროს მედლის შემდეგ, გიორგი სარდალაშვილმა რეიტინგი 4 საფეხურით გაიუმჯობესა და მეორე პოზიციაზე გადავიდ
-100 კგ წონაში ჩემპიონი ილია სულამანიძე გახდა, რომელმაც 1 საფეხურით წინ წაიწია და წონის მეორე ნომერი გახდა. 81 კგ-ს სათავეში კი კვლავ ტატო გრიგალაშვილი უდგას, ხოლო ეთერ ლიპარტელიანმა 57 კგ წონით კატეგორიაში მე-5 ადგილი შეინარჩუნა.
შეგახსენებთ, რომ 2025 წლის ევროპის ჩემპიონატზე, საქართველოს ჯუდოს ნაკრებმა გუნდურ ჩათვლაში პირველი ადგილი დაიკავა, ინდივიდუალურში კი 4 მედალი მოიპოვა — ჩემპიონები გიორგი სარდალაშვილი და ილია სულამანიძე გახდნენ, ხოლო ვერცხლს ეთერ ლიპარტელიანი და ტატო გრიგალაშვილი დასჯერდნენ.
ფოტო: European Judo Union
