საქართველოს ფუტსალის ნაკრებმა 2026 წლის ევროპის ჩემპიონატზე მეორე მატჩი გამართა. ჩვენი გუნდი რიგაში ხორვატიას დაუპირისპირდა. მატჩი ფრედ 2-2 დასრულდა.
პირველი ტაიმის შემდეგ ანგარიში 1-1 იყო, ვახტანგ ჯვარაშვილის კუთხურიდან ჩაწოდებული სეკულიჩმა საკუთარ კარში ჩაჭრა და საქართველოს ნაკრები დაწინაურდა. მეტოქემ ანგარიში რამდენიმე წუთში გაათანაბრა.
მეორე ტაიმის დასაწყისში ხორვატები დაწინაურდნენ, მალევე გიორგი ღავთაძემ პენალტი ვერ გამოიყენა, თუმცა ღავთაძის პასით ვახტანგკეკელიამ ანგარიშის გათანაბრება შეძლო 2-2. აღსანიშნავია, ქართველთა მეკარის, ალი ასლანის ზუსტი თამაში, რომელმაც არაერთხელ გადაარჩინა საქართველოს კარი,მატჩის ბოლო წუთებზე კი პენალტი მოიგერია.ალი მატჩის საუკეთსო მოთამაშედ დასახელდა, 33 მოგერიებული ბურთით.
შეგახსენებთ, პირველი მატჩი ჩვენმა გუნდმა ლატვიასთან წააგო, დღევანდელი ფრის შემდეგ, საქართველოს ნაკრები ჯგუფიდან გასვლის შანსს ინარჩუნებს.
საქართველოს ფუტსალის ნაკრები ევროპის ჩემპიონატზე ჯგუფური ეტაპის ბოლო მატჩს 28 იანვარს, ლიეტუვის ქალაქ კაუნასში საფრანგეთის ნაკრებთან გამართავს.
ფოტო: საქართველოს ფეხბურთის ფედერაცია
