ევროპის მასშტაბით ტოპ კლუბები ზამთრის სატრანსფერო ფანჯრისთვის მზადებას უკვე შეუდგნენ. ამ სიაშია რეალ მადრიდიც, რომელსაც წესით და რიგით დატვირთული იანვრის თვე ექნება. ამ მომენტისთვის სამეფო კლუბის პოტენციურ სამიზნეებზე საუბარი ჯერჯერობით ადრეა, მაგრამ უკვე ცნობილია იმ ფეხბურთელების ვინაობა, რომლებიც კლუბმა ტრანსფერზე დააყენა.
ფრან გარსია, დანი სებალიოსი და როდრიგო — ამ ფეხბურთელებს უკვე განუცხადეს, რომ ჩაბი ალონსოს გეგმებში არ შედიან და ზამთრის სატრანსფერო ფანჯრის დროს სჯობს სხვა გუნდებში გადაბარგდნენ.
როგორც ხედავთ, როდრიგოს თაობაზე ზაფხულის სატრანსფერო ფანჯრის შემდეგ სიტუაცია ოდნავადაც არ შეცვლილა და ბრაზილიელი შემტევი კვლავ როტაციის ფეხბურთელად დარჩა. 24 წლის მოთამაშეს წინ მუნდიალი ელოდება და დიდია იმის შანსი, რომ სხვა გუნდში გადასვლა და სტაბილურად თამაში მის გეგმებშიც შედიოდეს.
კიდევ ერთ ფეხბურთელი, რომელიც რეალ მადრიდს 100% დატოვებს ენდრიკია. როგორც რამდენიმე კვირის გაცნობეთ, 19 წლის ბრაზილიელი ფორვარდი ლიონში 6-თვიანი მშრალი იჯარით გადავა. მხარეები გარიგების ბოლო დეტალებს მიმდინარე თვეში მოაგვარებენ.
