დიტმარ ჰამანმა ბაიერნ მიუნხენისა და პარის სენ-ჟერმენის მოახლოებული განმეორებითი მატჩის შესახებ ისაუბრა. ვეტერანი ფეხბურთელის თქმით, შანსები თითქმის თანაბარია, მაგრამ პირველ შეხვედრაში გამოიკვეთა პსჟ-ს სუსტი მხარე, რომელიც "რეკორდმაისტერმა" უნდა გამოიყენოს.
"იმედი მაქვს, რომ ბაიერნი და პარის სენ-ჟერმენი კიდევ ერთ დაუვიწყარ სანახაობას შემოგვთავაზებენ. პირველ მატჩში ორივე გუნდი ცდილობდა უპირატესობის შექმნას საპასუხო შეხვედრისთვის, ამჯერად კი ფინალამდე უკვე ერთი ნაბიჯია. ვფიქრობ, მიუნხენელები შინაურ კედლებში ფავორიტები არიან.
სახლში თამაშის ფაქტორს რომ თავი დავანებოთ, პირველ მატჩში გამოიკვეთა პსჟ-ს არადამაჯერებელი თამაში დაცვაში - "რეკორდმაისტერმა" სწორედ ეს უპირატესობა უნდა გამოიყენოს. ვფიქრობ, ალიანც არენას მკვიდრები ბურთსაც უკეთესად გააკონტროლებენ", - განაცხადა გერმანელმა ყოფილმა შუახაზელმა.
