იტალიის სერია ა-ს ბოლონიას გარდა (რომელის ინტერესის შესახებაც გულშემატკივარმა უკვე იცის) სხვა, ევროპული კლუბების გააქტიურება მოსალოდნელი იყო, რადგან სარაევოს ქართველ თავდამსხმელს შესანიშნავი სეზონი აქვს, თავის მხრივ კი, ორივე ზემოხსენებულ გუნდს, აღნიშნულ პოზიციაზე, გაძლიერება სჭირდება. იმ შემთხვევაში, თუ ინტერესი ოფიციალურ სახელს მიიღებს და გულიაშვილი სენტ-ეტიენს შეუერთდება, კლუბში მას საქართველოს ეროვნული ნაკრების ფეხბურთელი, ზურიკო დავითაშვილი დახვდება, რომელიც ფრანგული გუნდის ლიდერად იქცა.
მიმდინარე სეზონში, 23 წლის გიორგი გულიაშვილმა ბოსნია და ჰერცეგოვინას ჩემპიონატის 17 მატჩში სარაევოს ფორმით 12 გოლი გაიტანა, მის აქტივში 4 საგოლე გადაცემაცაა, აღნიშნული მაჩვენებლით კი გათამაშების ბომბარდირია. შესანიშნავი სტატისტიკის გათვალისწინებით, საქართველოს ეროვნული ნაკრების მთავარმა მწვრთნელმა, ვილი სანიოლმა ახალგაზრდა ფეხბურთელი გასული წლის ოქტომბერში, ეროვნულ ნაკრებში გამოიძახა:
,,გიორგი გულიაშვილი ოქტომბერში, ჩვენთან ერთად პირველად იმყოფებოდა. ჩემთვის მნიშვნელოვანი იყო მისი გუნდთან ერთად ნახვა. ვფიქრობ, ბოსნიის ჩემპიონატის და სანაკრებო დონე ამ ეტაპზე, განსხვავებულია. გიორგის ვთხოვე, რომ მუშაობა გააგრძელოს, რათა საკუთარ თავს ნაკრებში დაბრუნების შესაძლებლობა მისცეს", - აღნიშნა ფრანგმა სპეციალისტმა.
ინფორმაციისთვის გეტყვით იმასაც, რომ გიორგი გულიაშვილს სარაევოსთან კონტრაქტი 2028 წლამდე აკავშირებს.
შენიშვნა: მასალაში გამოყენებულია საქართველოს ფეხბურთის ფედერაციის ფოტო
