იმის მიუხედავად, რომ ზამთრის სატრანსფერო ფანჯრის გახსნამდე 3 თვეზე მეტია დარჩენილი, ევროპის მასშტაბით რამდენიმე კლუბი არსებული შემადგენლობის პოტენციურ გაძლიერებაზე უკვე ფიქრობს. ამ სიაშია ნაპოლიც, რომელიც ორ ტურნირზეა წარმოდგენილი და მზადაა იანვარში მინიმუმ ორი ან სამი ფეხბურთელი კიდევ დაიმატოს.
ზაფხულში არშემდგარი ტრანსფერის შემდეგ, "პარტენოპეი" კობი მეინუს დამატებას ზამთრის სატრანსფერო ფანჯრის დროს კიდევ ერთხელ შეეცდება. დადასტურებულად შეგვიძლია იმის თქმა, რომ ანტონიო კონტეს ახალგაზრდა ნახევარმცველის დამატება კვლავ სურს. იტალიელი სპეციალისტი ფქირობს, რომ კობი მეინუს დამატებით, ნაპოლის ნახევარდაცვის ხაზი საგრძნობლად გაძლიერდება.
კობი მეუნის მანჩესტერ იუნაიტედის დატოვება ზაფხულში სურდა, თუმცა კლუბის უფროსობამ 20 წლის ინგლისელი შუახაზელი გუნდიდან არ გაუშვა. მას შემდეგ სიტუაცია დიდად არ შეცვლილა, რადგან ახალგაზრდა ნახევარმცველს კვლავ ძალიან ცოტა სათამაშო დრო აქვს და ფაქტია, რუბენ ამორიმი მას დიდად არ ენდობა.
ზემოხსენებული სიტუაცია ზამთრის სატრანსფერო ფანჯრის გახსნამდე თუ არ შეიცვლება, კობი მეინუ მანჩესტერ იუნაიტედს იანვარში აუცილებლად დატოვებს.
ნაპოლის გარდა მოსალოდნელია, რომ საქმეში სხვა კლუბებიც ჩაერთვებიან.
