ბენფიკას და რეალის მატჩში მომხდარ ინციდენტზე, სადაც ვინისიუსმა პრესტიანი რასიზმში დაადანაშაულა, კომენტარი ლისაბონელთა თავკაცმა, ჟოზე მოურინიომ გააკეთა.
63 წლის პორტუგალიელმა სპეციალისტმა შეხვედრის დასრულების შემდეგ აღნიშნა, რომ ორივე ფეხბურთელისგან რადიკალურად განსხვავებული სცენარი მოისმინა და მხარს არც ერთს არ უჭერს.
"ვინისიუსს ვუთხარი, რომ შესანიშნავი გოლი გაიტანა და ის თანაგუნდელებთან ერთად მოკრძალებულად უნდა ეზეიმა. მან ისეთი გოლი გაიტანა, რომ მატჩის მთავარი სასაუბრო თემა უნდა ყოფილიყო. გოლის შემდეგ მომხდარ ინციდენტზე ორივე ფეხბურთელს ვესაუბრე და მათგან რადიკალურად განსხვავებული ორი სცენარი მოვისმინე. იცით რატო მივიღე წითელი ბარათი? მსაჯს პირდაპირ ვუთხარი, რომ წინასწარ ჰქონდა განსაზღვრული რეალის კონკრეტულ ფეხბურთელებისთვის ყვითელი ბარათის არ მიცემა."
რეალის და ბენფიკას განმეორებითი მატჩი 25 თებერვალს მადრიდში, სანტიაგო ბერნაბეულზე გაიმართება და 1/8 ფინალისტის ვინაობა გაირკვევა.
