ოფიციალურად — უეფასთან რამდენიმეთვიანი მოლაპარაკებები საბოლოო შეთანხმებით დასრულდა, მიმდინარე სეზონში, ლა ლიგისა და სერია A-ს მატჩები სხვა ქვეყნებში ჩატარდება. საუბარია მილანი-კომოსა და ვილიარეალი-ბარსელონას შეხვედრებზე, რომლებიც იტალიაში და ესპანეთში არ გაიმართება.
მილანი-კომოს დაპირისპირებას მაყურებელი ავსტრალიაში, კერძოდ პერთში იხილავს, ხოლო რაც შეეხება ვილიარეალი-ბარსელონას, ამ მატჩს მაიამი უმასპინძლებს.
ეს გადაწყვეტილება თავიდან ბოლომდე კომერციულ ხასიათს ატარებს და კლუბები ამ მატჩების შემდეგ სერიოზულ ფინანსურ მოგებას ნახავენ.
უეფაში ასევე აცხადებენ, რომ ეს შემთხვევა გამონაკლისი იქნება და ისინი სრულიად ეწინააღმდეგებიან შიდა ჩემპიონატის მატჩების სხვა ქვეყნებში ჩატარებას.
