საფრანგეთის ჩემპიონატის გასულ ტურში, ლიონმა კვლავ ვერ მოიგო და ლილისთან ფრედ 1:1 ითამაშა. გუნდი უტევდა, მაგრამ საბოლოო შედეგი და ხარისხი ისეთი არ იყო, როგორსაც მწვრთნელი და გულშემატკივრები მოითხოვენ.
ამის მთავარ მიზეზად ფრანგები ალექსანდ ლაკაზეტის მიიჩნევენ, რომელიც მოედანზე სარფიანად არ ირჯება და შედეგიანი არ არის. ლაკაზეტი 85-ე წუთზე მიქაუტაძემ შეცვალა.
თავის მხრივ, სეზონის ცუდი სტარტის შემდეგ, მიქაუტაძემ ოსერს დუბლი შეუსრულა და ფორმაში შესვლას ცდილობს. პიერ საჟის ახალი გეგმის მიხედვით კი თუ ასე გაგრძელდა, გამოცდილ კაპიტანს ძირითად 11-ეულში სწორედ ჟორჟი შეცვლის.
მიმდინარე სეზონში ლაკაზეტის ყველა ტურნირზე მხოლოდ 3 გოლი აქვს გატანილი და ავტორიტეტის მიუხედავად, მწვრთნელი რისკზე წასვლას და მისი ძირითადიდან ამოგდებას აპირებს. მითუმეტეს, დიდი ალბათობით, ამ სეზონის შემდეგ 33 წლის ფორვარდი ლიონს დატოვებს.
შემდეგ შეხვედრას ლიონი 7 ნოემბერს, ევროპა ლიგაზე ჰოფენჰაიმისს წინააღმდეგ ჩაატარებს, სადაც მიქაუტაძეს ძირითადში უნდა ველოდოთ.
იხილეთ ჩვენი პოდკასტის მორიგი ეპიზოდი
