ლონდონის არსენალის ყოფილმა თავდამსხმელმა, ანდრეი არშავინმა ხვიჩა კვარაცხელიას შესახებ ისაუბრა. როდესაც ვეტერან ფეხბურთელს ჰკითხეს, თუ რომელ მოთამაშეს აგონებდა მას ქართველი ვინგერი, ყოფილმა რუსმა ფორვარდმა ალექსანდრ გლები დაასახელა.
"რა თქმა უნდა, კვარაცხელია არ არის მარადონა, თუმცა ევროპული ფეხბურთის ვარსკვლავი ნამდვილად არის. ვის უფრო ჰგავს ის თამაშის სტილით, მესის თუ რონალდუს? ვფიქრობ, არცერთს. ხვიჩა უფრო გლებს მაგონებს. ის ტიპიური ქართველი მოთამაშეა, რომელიც ბურთს ატარებს თავისებურად, რბილად.
ასეთი ფეხბურთელი დღეს ძალიან ბევრია და შეგვიძლია ვთქვათ, რომ პარის სენ-ჟერმენის შემტევი არის თანამედროვე გარემარბი - ჭკვიანი და სწრაფი. არ ვიცი, როგორი ხასიათი აქვს ქართველ ვინგერს, მაგრამ კარიერის განვითარებისთვის ეს ფაქტორიც ძალიან მნიშვნელოვანია."
