Transfermarkt-მა შეადარა ერთმანეთს ჩემპიონთა ლიგაზე მონაწილე გუნდების საერთო ჯამური ღირებულება და ამჟამინდელი სატურნირო მდგომარეობა. აღმოჩნდა, რომ ყველაზე დიდი აცდენა გვხვდება ლისაბონის ბენფიკასთან, რომელიც ღირებულებით არის 22-ე კლუბი, მაგრამ 4 ტურის შემდეგ, 0 ქულით 35-ე პოზიციაზეა.
მინუს 13 პუნქტი "არწივებს". ასევე 13-პუნქტიანი აცდენა არის ტურინის იუვენტუსის მიმართებაში. სერია ა-ს გრანდი შემადგენლობით არის მე-13, მაგრამ 4 ტურის შემდეგ, 26-ე პოზიციას იკავებს. "ბიანკონერიში" უკვე მიიღეს ზომები და იგორ ტუდორი ლუჩანო სპალეტით ჩაანაცვლეს. რაც შეეხება ჟოზე მოურინიოს, ის ჯერჯერობით ხელშეუხებელია.
სამეულს ხურავს ნაპოლი, მინუს 10-პუნქტიანი აცდენით. სერია ა-ს მოქმედი ჩემპიონი შემადგენლობის ღირებულებით არის მე-14 გუნდი, მაგრამ სატურნირო ცხრილში 24-ე პოზიციას იკავებს. ვნახოთ, რა შეიცვლება ლიგის ფაზის დასრულების შემდეგ.
