ოფიციალურად — ადრიენ რაბიო მილანის ფეხბურთელია. იტალიურმა კლუბმა გამოცდილი ნახევარმცველის ტრანსფერი რამდენიმე წუთის წინ დაადასტურა.
მხარეებს შორის 3-წლიანი კონტრაქტი გაფორმდა. "როსონერიმ" ფრანგი ფეხბუთელის სანაცვლოდ დაახლოებით €10 მილიონი გადაიხადა.
მარსელმა ადრიენ რაბიო ტრანსფერზე მას შემდეგ დააყენა, რაც ფრანგმა ნახევარმცველმა ჯონათან როუსთან იჩხუბა. ამ ინციდენტის შემდეგ, რობერტო დე ძერბიმ ფრანგი ფეხბურთელი შემადგენლობიდან მოკვეთა, შესაბამისად, 30 წლის ფრანგის ტრანსფერი სხვა გუნდში უბრალოდ დროის საკითხი იყო. ადრიენ რაბიო მარსელის ღირსებას 2024 წლიდან მოყოლებული იცავდა. ფრანგმა ამ დროში 32 მატჩის ჩატარება მოასწრო, გაიტანა 10 გოლი და 6 საგოლე გადაცემითაც გამოიჩინა თავი.
მაქს ალეგრი და ადრიენ რაბიო ისევ ერთად იმუშავებენ.
