საფრანეთის თასის ფინალში პსჟ რეიმსს დაუპირისპირდა და 3:0 გაიმარჯვა. აღნიშნულ მატჩში ძირითად შემადგენლობაში იყო ხვიჩა კვარაცხელია, თუმცა მატჩის წინ, თავის ტკივილის გამო ის განაცხადიდან ამოვარდა.
პარიზელთა მთავარმა მწვრთნელმა ლუის ენრიკემ კვარაცხელიას მდგომარეობაზე ისაუბრა.
"კვარაცხელიას თამაში შეუძლებელი იყო, რადგან გახურების დროს, თავს შეუძლოდ გრძნობდა. არაფერი სერიოზული. ჩვენ გადავწყვიტეთ, რომ დაესვენა. ის სახლში წავიდა და თავს კარგად გრძნობს.
არანაირი პრობლემა არ არის და შემდეგ ვარჯიშს ჩვეულებრივ ჩაატარებს. უბრალოდ, როცა მოთამაშე დისკომფორტს გრძნობს, არ უნდა გავრისკოთ, რადგან ბევრი ტოპ ფეხბურთელი გვყავს და როტაცია შეგვიძლია.
როგორც გითხარით, სამშაბათს უკვე ჩვენთან ერთად ივარჯიშებს. მსგავსი ფაქტები მსოფლიოში ყველგან ხდება და ამაზე არ უნდა ვიდარდოთ."
