რეალ ვალიადოლიდისა და ბარსელონას მატჩის (1:2) მიმდინარეობისას ადგილობრივმა გულშემატკივრებმა მოაწყვეს საპროტესტო აქცია, რომლის ადრესატი იყო კლუბის პრეზიდენტი, რონალდო ნაზარიო. კასტილიელმა ქომაგებმა უკმაყოფილიება საკმაოდ ორიგინალური ფორმით გამოხატეს.
გულშემატკივრებმა დაბეჭდეს ყალბი კუპიურები, რომელზეც სწორედ კლუბის ბრაზილიელი პრეზიდენტი იყო გამოსახული. მატჩის მიმდინარეობისას "თეთრ-იასამნისფრების" ქომაგებმა აღნიშნული კუპიურები მოედანზე ისროლეს. ცნობისთვის, ეს არ არის პირველი შემთხვევა, როდესაც სორილიაზე დამსწრე პუბლიკა მათი კლუბის მფლობელის წასვლას ითხოვს.
"ფენომენმა" რეალ ვალიადოლიდის აქციების საკონტროლო პაკეტი იყიდა 2018 წელს და გუნდის გულშემატკივრებს სასიამოვნო სიახლეებს შეპირდა. გავიდა 7 წელი, მაგრამ კასტილიაში არაფერი შეცვლილა. 48 წლის ბიზnესმენის მმართველობის პერიოდში კლუბი ლა ლიგა 2-ში უკვე მესამედ გავარდა.
