"სამწუხაროდ, უკრაინის ნაკრებში ძალიან ბევრი საკადრო პრობლემა არის. ფეხბურთელები ხშირად იღებენ ტრავმებს, რის გამოც რებროვს მოთამაშეების ცვლა ხელთათმანებივით უწევს. რაც შეეხება სერგეის განკარგულებაში მყოფ ფეხბურთელებს, ძალიან სუსტი ბიჭები არიან და ეს პრაქტიკულად ყველა მომენტში ჩანს.
იმედია ვცდები, თუმცა მგონია, რომ დავმარცხდებით. საქართველოს ჰყავს ძალიან კარგი შემადგენლობა და ამის გარდა, შეხვედრა იმართება ბათუმში, რაც მასპინძლებს დამატებით უპირატესობას აძლევს. გავიხსენოთ წინა მატჩი, რომელშიც "ჯვაროსნებს" არაერთი მომენტი ჰქონდათ და გოლების გატანაც შეეძლოთ.
პირველ შეხვედრაში გაგვიმართლა, თუმცა ახლა რა იქნება, არ ვიცი. ვთამაშობთ სტუმრად, თანაც საკადრო პრობლემებით. მოწინააღმდეგე ბევრად უფრო კომფორტულ მდგომარეობაშია", - განაცხადა ყოფილმა უკრაინელმა დამრიგებელმა.
