საქართველოსთან მოგებული 3:2 მატჩის შემდეგ კომენტარი თურქეთის ნაკრების მთავარმა მწვრთელმა ვინჩენცო მონტელამ გააკეთა.
"ყველაზე კრიტიკული მომენტი ის იყო, როცა ჩვენმა ფეხბურთელმა წითელი ბარათი მიიღო, მანამდე ვდომინირებდით. თან საკვანძო ფეხბურთელი გაგვიძევეს და იმის შემდეგ, ბევრი რამ შეიცვალა.
საქართველოს ნაკრების მცველები და ნახევარმცველები წინა მატჩებში შედარებით უკნიდან თამშობდნენ და მალევე მივხვდით, როგორ თამაშობდნენ ისინი და ჩვენთვის ტაქტიკის აწყობა რთული არ ყოფილა.
როგორც გუშინ ვთქვი, საქართველოს ნაკრებს დიდი პროგრესი აქვს და მათთან თამაში დღეს უფრო რთული მატჩი გვქონდა, ვიდრე ევროპის ჩემპიონატზე.
თურქეთის ნაკრები ნაბიჯ-ნაბიჯ ვითარდება. ჩვენს ნაკრებს დიდი პოტენციალი აქვს, მაღალი დონის მოთამაშეები ჰყავს და ვნახოთ, რა იქნება მომავალში", - განაცხადა მონტელამ.
