ლიგა 1-ის 2024/2025 წლების სეზონი დასრულდა, ლიონის ოლიმპიკმა კონფერენს ლიგის საგზური გაიფორმა. გიორგი მიქაუტაძის მონაგარმა შეადგინა 17 გატანილი ბურთი 47 შეხვედრაში. ქართველი ფორვარდი არ გამხდარა რონელთა საუკეთესო გოლეადორი, მასზე 2 ბურთით მეტი ალექსანდერ ლაკაზეტმა შეაგდო.
ამის მიუხედავად, არის კომპონენტი, რომელშიც საქართველოს ნაკრების თავდამსხმელი გრუპამა სთეიდიუმზე მაინც საუკეთესოა. ახალგაზრდა ფორვარდი პაულო ფონსეკას გუნდში ერთი ბურთის გასატანად საშუალოდ ხარჯავდა ყველაზე ნაკლებ წუთს თავის თანაგუნდელებს შორის.
უფრო კონრეკუტულად კი 24 წლის თავდამსხმელს ერთი გოლის გასატანად საშუალოდ სჭირდებოდა 131 წუთი, რაც როგორც აღვნიშნეთ, ლიონში საუკეთესო შედეგია. საქართველოს ეროვნული გუნდის 22-ე ნომრის შემდეგ მოდის სწორედ ვეტერანი ფრანგი ფორვარდი, 137 წუთით.
