მატჩის დასრულებისთანავე, სამეფო კლუბის კაპიტანმა ლუკას ვასკესმა განაცხადა, რომ ეს რეალია და მის გუნდს ბერნაბეუზე თამაშის შემოტრიალება შეუძლია.
რეალის ფეხბურთელებმა უკვე შეიმუშავეს გეგმა, თუ როგორ შეიძლება კიდევ ერთი ისტორია დაწერონ და არსენალის ბარიერი გადალახონ.
მაგალითად, გუნდის ლიდერებმა მბაპემ, ბელინგემმა და ვალვერდემ თამაშის მეორე დღეს გუნდი შეკრიბეს და განაცხადეს, რომ თუ განმეორებით მატჩში პირველ 15 წუთში ერთ გოლს მაინც გავიტანთ, შემდეგ ეტაპზე აუცილებლად გავალთო.
ამასთანავე, ბერნაბეუზე გასამართი მატჩის წინ, გასახდელში იგეგმება, რომ რეალის ფეხბურთელებს სამოტივაციო ვიდეოები ჩაურთონ და ისე გავიდნენ სათამაშოდ.
მიმდინარე დღეებში, გუნდის ფსიქოლოგები ფეხბურთელების მოტივაციაზე აქტიურად იმუშავებენ. მათი მთავარი მოტივია, რომ რეალს 15 ჩემპიონთა ლიგა აქვს მოგებული, პირველი გუნდია და ყველაფერი შეუძლია.
