უკვე გადაწყვეტილია, რომ მიმდინარე სეზონის დასრულების შემდეგ, ტრენტ ალექსანდერ-არნოლდი ლივერპულიდან მადრიდის რეალში გადავა. გულშემატკივრებმა გაიხსენეს იურგენ კლოპის სიტყვები, რომელიც მან უთხრა ფილიპე კოუტინიოს, როდესაც ის "წითლების" დატოვებასთან ახლოს იყო.
"დარჩით ლივერპულში და გულშემატკივრები ძეგლს დაგიდგამენ. რეალში, ბარსელონაში ან ბაიერნში გადასვლით, თქვენ იქნებით რიგითი ფეხბურთელები, "წითლებში" კი გაცილებით მეტი", - აცხადებდა გერმანელი სპეციალისტი. რა მოხდა შემდეგ? ბრაზილიელმა ფლეიმეიქერმა მას არ დაუჯერა და "ბლაუგრანას" მიაშურა.
მერსისაიდული გუნდის ყოფილი შემტევი ნახევარმცველის კატალონიაში ტრანსფერი ფეხბურთის ისტორიაში ერთ-ერთ ყველაზე წარუმატებლად არის შერაცხული. "სქაუზერთა" ყოფილმა მე-10 ნომერმა კარიერის რეანიმირება ვერც "ლურჯ-ბროწეულისფრების" შემდეგ შეძლო. მან მოიარა ბაიერნი, ასტონ ვილა და ალ-დუჰაილი, ბოლოს კი 32 წლის ფლეიმეიქერი მშობლიურ ვასკო და გამაში დაბრუნდა.
