ვეტერანი იტალიელი ფეხბურთელი კლაუდიო მარკიზიო ლეო მესის და კრიშტიანო რონალდუს შედარებაზე საინტერესო კომენტარს აკეთებს.
"2018 წელს, რონალდუს იუვენტუსში მოსვლისას, გუნდზე დიდი ზეწოლა იყო, მაგრამ ამავდროულად, აღფრთოვანებისა და სიხარულის ატმოსფერო სუფევდა.
კარგად მახსოვს ის მომენტი, როცა მე და ბარძალი გასახდელში ვიყავით და გუნდში ტევესი და სხვა ჩემპიონები იყვნენ, მაგრამ ყველა მაინც რონალდუს მოსვლას ელოდა. ყველა ვფიქრობდით, რომ მალე გუნდში სუპერვარსკვლავი გვეყოლებოდა.
თუ გინდათ ჩემპიონები გახდეთ, მიჰყვევით არა მესის, არამედ რონალდუს მაგალითს. რატომ? ის უკვე ვარსკვლავი იყო, მაგრამ კიდევ უფრო გაუმჯობესდა. მან წარმოუდგენლად ბევრი იშრომა, რომ მიეღწია იმ ადგილს, სადაც ახლაა.
მესი კი ღვთისგან ბოძებული ნიჭით თამაშობდა და საკმარისი ვარჯიში და შრომა არ უწევდა", - განაცხადა მარკიზიომ.
