ხვიჩა კვარაცხელია ჩემპიონთა ლიგის ფინალის წინ საკუთარი ემოციებისა და ხედვების შესახებ საუბრობს. მოგეხსენებათ, 31 მაისს, ქართველი შემტევის პსჟ ფინალში ინტერს დაუპირისპირდება.
"მოხარული ვარ, რომ აქ ვარ და შესაძლებლობა მაქვს პსჟ-ში ვითამაშო. ჩემთვის ეს სიზმარივით არის. ჩემი გზა ძალიან გრძელი და სირთულეებით სავსე იყო, თუმცა ყველა დაბრკოლება გადავლახე.“
საქართველოზე: "საქართველო მუდამ ჩემთან იქნება. ჩემმა ქვეყანამ ყველაფერი მომცა. ძალიან ვამაყობ, რომ ქართველი ვარ. მინდა, ჩემი ქვეყანა ვასახელო, რადგან ჩვენთვის ამ დონემდე მისვლა ძალიან რთულია.“
ინტერის შესახებ: "ინტერი? ვფიქრობ, ლუის ენრიკეს ჩემი დახმარება არ სჭირდება, ის ჩემზე უკეთესად აფასებს სიტუაციას. თუმცა ინტერთან ხშირად მითამაშია და ვიცი, რამდენად ძლიერები არიან. თუ ჩემი გამოცდილება საჭირო იქნება, მზად ვარ, საკუთარი აზრი გამოვთქვა. ჩვენ ერთი გუნდი ვართ."
მხარდაჭერა ნაპოლის: "მე, ფაბიან რუისი და ჯიჯო დონარუმა დიდ სიყვარულს ვგრძნობთ ნეაპოლის მიმართ. მჯერა, რომ ნაპოლი სკუდეტოს მოიგებს. ნეაპოლელებისთვის ეს ნამდვილად დღესასწაული იქნება და ისინი ამას იმსახურებენ.“
