საქართველოს ახალგაზრდულმა ნაკრებმა ევროპის ჩემპიონატზე ასპარეზობა წარმატებით დაიწყო და პირველ შეხვედრაში პოლონეთი 2:1 დაამარცხა.
ეს ე.წ. 6-ქულიან მატჩად იყო მიჩნეული. თუ საქართველოს ჯგუფიდან გასვლის პრეტენზია ჰქონდა, ეს მატჩი აუცილებლად უნდა მოეგო. პარალელურად, ჩვენს ჯგუფში პორტუგალიამ და საფრანგეთმა ქულები გაიყვეს, რაც იმას ნიშნავს, რომ ჯგუფის ლიდერები ვართ.
თუ შემდეგ ტურში საქართველო უძლიერეს საფრანგეთს დაამარცხებს, ჯგუფიდან ოფიციალურად გავა, ფრის შემთხვევაში კი შემდეგ ეტაპზე გასვლის დიდ ნაბიჯს გადადგამს და ყველაფერი პარალელურ მატჩზე იქნება დამოკიდებული.
ფაქტი ისაა, რომ მომდევნო ორ შეხვედრაში, საფრანგეთთან და პორტუგალიასთან მინიმუმ ქულა გვინდა, რათა 1/4 ფინალში გავიდეთ.
