დღეს, ჩემპიონთა ლიგის 1/4 ფინალური ეტაპის ორი განმეორებითი მატჩი გაიმართება და დარჩენილი ორი 1/2 ფინალისტი გუნდის ვინაობა გაირკვევა.
ურთულესი მისია აქვს მოქმედ ჩემპიონს, მადრიდის რეალს — სამეფო კლუბმა არსენალთან პირველი მატჩი 3-0 წააგო და საკუთარ კედლებში შეეცდება სასწაული მოხდენას.
რეალის ხელმძღვანელობას სურდა, რომ დღევანდელ შეხვედრაში სანტიაგო ბერნაბეუ სრულად გადახურული ყოფილიყო, რაზეც UEFA-სგან თანხმობა მიიღო და გულშემატკივრები საოცარი ატმოსფეროს შექმნას შეეცდებიან.
"როდესაც რეალის ჰიმნი ჩაირთვება და გულშემატკივრები სიმღერას დაიწყებენ, საოცარი ატმოსფერო შეიქმნება. ჩვენი გუნდის თანმიმდევრულობა დიდწილად გულშემატკივრების მიერ შექმნილ ატმოსფეროს უკავშირდება და ახლა ჩვენი ჯერია, რომ მათ ვალი გადავუხადოთ"
მადრიდის რეალის და ლონდონის არსენალის დაპირისპირება დღეს, თბილისის დროით 23 საათზე დაიწყება.
