"ყველაზე უხერხული მოწინააღმდეგეები? პირველ რიგში, მესი. ასევე დავასახელებდი სუარესს, ნეიმარს, გრიზმანსა და რუდიგერს. განსაკუთრებით რთულია ანტონიოს წინააღმდეგ თამაში, რომელიც ორთაბრძოლისას არც ჩქმეტაზე ამბობს უარს", - განაცხადა სევილიური კლუბის გამთამაშებელმა.
აღსანიშნავია, რომ 32 წლის შემტევმა ნახევარმცველმა გერმანელი ცენტრალური მცველის წინააღმდეგ ხუთი შეხვედრა ჩაატარა. სამჯერ იმარჯვა ანდალუსიელთა 22-ე ნომერმა, ერთხელ - გერმანელმა უკანახაზელმა, ერთი მატჩიც ფრედ დასრულდა.
