არც მესი და არც რონალდინიო - კარლოსმა ყველაზე უხერხული მეტოქე დაასახელა

ცოტა ხნის წინ, რობერტო კარლოსმა ყველა დროის საუკეთესო მარცხენა მცველად მარსელო ვიეირა დაასახელა. ვეტერანს ამჯერად ჰკითხეს ყველაზე უხერხული მეტოქის შესახებ და ბრაზილიელი განაპირა მცველისთვის ასეთი ლუიშ ფიგუ არის. მან 2000 წლის ოქროს ბურთის მფლობელი ვინგერი ლეო მესიზე, რონალდინიო გაუჩოსა და რონალდო ნაზარიოზე წინაც კი დააყენა.

მადრიდის რეალის ყოფილმა მარცხენა მცველმა პორტუგალიელი გარემარბის წინააღმდეგ 12-ჯერ ითამაშა - ოთხი მოგება, ორი ფრე და ექვსი მარცხი. ეს ყველაფერი ბარსელონას ყოფილი კაპიტნის "სამეფო კლუბში" ტრანსფერამდე ხდებოდა.