1989 წლის 24 დეკემბერს, France Football-მა ფეხბურთელს გადასცა უნიკალური ჯილდო - "სუპერ ოქროს ბურთი". ეს იყო პირველი და უკანასკნელი შემთხვევა, როდესაც მოთამაშემ აღნიშნული პრიზი მიიღო. ფრანგულ გამოცემას სურდა გამოერჩია ლეგენდარული ფეხბურთელი, რომლის ანგარიშზე მართლაც გამორჩეული მიღწევები იქნებოდა.
სიაში იყო ხუთი კანდიდატი - ალფრედო დი სტეფანო, იოჰან კრუიფი, მიშელ პლატინი, კარლ-ჰაინც რუმენიგე და კევინ კიგანი. გამარჯვებული ხმათა უმრავლესობით გახდა ყოფილი არგენტინელი ფორვარდი, რომელიც პირველ პოზიციაზე დააყენეს ოქროს ბურთის ჟიურიმ და ოქროს ბურთის ყოფილმა გამარჯვებულებმა.
აღსანიშნავია ისიც, რომ France Football-ის მკითხველებმა პირველ ადგილზე ლეგენდარული ფრანგი შემტევი ნახევარმცველი გაიყვანეს. ამ ფაქტის მიუხედავად, "სუპერ ოქროს ბურთი" მაინც მადრიდის რეალის ყოფილ ფორვარდს გადაეცა.
