სტამბოლის ფენერბაჰჩეს მთავარმა მწვრთნელმა, ჟოზე მოურინიომ რეკორდი დაამყარა. გამოცდილმა დამრიგებელმა 21-ე საუკუნეში ევროთასებზე საერთო ჯამში 9 კლუბი გაიყვანა. მსგავსი რამ არავის გაუკეთებია. პორტუგალიელმა ტაქტიკოსმა სხვადასხვა დროს ეს მოახერხა ბენფიკასთან, პორტოსთან, ჩელსისთან, ინტერთან, რეალთან, მანჩესტერ იუნაიტედთან, ტოტენჰემთან, რომასა და ახალ უკვე "იადონებთან" ერთად.
აღსანიშნავია ისიც, რომ ექვს მათგანთან "ლურჯ-ყვითლების" ამჟამინდელმა მწვრთნელმა ტიტულის მოპოვება მოახერხა. მილანურ გუნდსა და "დრაკონებთან" ერთად, "განსაკუთრებულმა" ევროპის ყველაზე პრესტიჟული საკლუბო ტურნირის მოგებაც შეძლო. რაც შეეხება იმ 3 კლუბს, რომელთან ერთადაც მან ვერაფერი მოიგო: ჰოტსპური, ლისაბონელები და ჯერჯერობით, ფენერიც.
აქვე დავამატებთ იმასაც, რომ თავდაპირველად სტამბოლელები ჩემპიონთა ლიგის საკვალიფიკაციო ეტაპზე მონაწილეობდნენ, თუმცა ლილთან მარცხის შემდეგ, ამ კლუბმა ევროპა ლიგაზე გადაინაცვლა. 26 სექტემბერს "იადონებმა" ჩაატარეს 1-ელი მატჩი, უნიონ სენტ-ჟილთან, რომელიც 2:1 მოიგეს.
