საქართველოს 21-წლამდე ნაკრები C ჯგუფში: ნიდერლანდებთან, შვედეთთან, მოლდოვასთან, ჩრდილოეთ მაკედონიასა და გიბრალტართან ერთადაა. 8 მატჩის შემდეგ ჩვენს გუნდს 16 ქულა აქვს (5 მოგება/1 ფრე/2 მარცხი - ორივე ნიდერლანდებთან) და სატურნირო ცხრილში მე-2 ადგილს იკავებს. 13 ქულით შვედეთი მე-3 პოზიციაზეა, ხოლო პირველადგილოსან ნიდერლანდებს 27 ქულა აქვს.
10 სექტემბერს, შვედეთი მოლდოვას სტუმრად დაუპირისპირდება და გამარჯვების შემთხვევაში საქართველოს 21-წლამდე ნაკრებს ქულებით გაუთანაბრდება. 10 ოქტომბერს, საქართველოს 21-წლამდე ნაკრებს პრინციპული შეხვედრა სწორედ შვედეთის წინააღმდეგ, სტუმრად ელის, ხოლო 15 ოქტომბერს, ჩვენი ნაკრები მიმდინარე შესარჩევის ბოლო მატჩს ქუთაისის რამაზ შენგელიას სახელობის სტადიონზე გამართავს.
2025 წლის ევროპის 21-წლამდე ნაკრებების ჩემპიონატზე, საკვალიფიკაციო რაუნდის ჯგუფური ეტაპიდან (მასპინძელი სლოვაკეთის გარდა) პირდაპირ მოხვდება 9 ჯგუფის გამარჯვებული ნაკრები და 3 საუკეთესო მეორეადგილოსანი, ხოლო დარჩენილი 6 მეორეადგილოსანი გუნდი ერთმანეთში, წყვილად 2-მატჩიან პლეიოფს ითამაშებს და ბოლო 3 საგზური სწორედ ამ გზით გადანაწილდება.
შენიშვნა: მასალაში გამოყენებულია საქართველოს ფეხბურთის ფედერაციის ფოტო
შენიშვნა: მასალაში გამოყენებულია საქართველოს ფეხბურთის ფედერაციის ფოტო
