საქართველოსა და საფრანგეთის 21-წლამდელების მატჩი ფრაგების გამარჯვებით 3:2 დასრულდა.
დრამატულად წაგებული მატჩი საქართველოს ნაკრების ფეხბურთელებმა შეაფასეს.
ლუკა ხარატიშვილი: "ჩემი სეივი სეივად დარჩა და აღარაფერს წარმოადგენს, რადგან გუნდმა ვერ მოიგო და ჩემთვის მთავარი გუნდის წარმატებაა. ისევ ისე მოვემზადებით, რადგან საკუთარი თავების გვჯერა. პორტუგალიასთან ჩვენი სიტყვა უნდა ვთქვათ და სასურველ შედეგს მივაღწიოთ"
ოთო მამაგეიშვილი: "ჯერ არაფერი დასრულებულა, ძალები უნდა აღვიდგინოთ და პორტუგალიასთან მოსაგებად გავიდეთ. ამისთვის ყველაფერს გავაკეთებთ. დღესაც მაქსიმუმი ჩავდეთ, თუმცა ფეხბურთია და ყველაფერი ხდება. 86-ე წუთზე ჯგუფიდან ჩვენ გავდიოდით, ბოლოს კი ყველაფერი შეიცვალა. უკვე თამამად შეგვიძლია ვთქვათ, რომ ასეთი დონის ნაკრებებს არ ჩამოვუვარდებით და ტოლსწორად შეგვიძლია თამაში"
ნოდარ ლომინაძე: "მთელ გუნდს ეს თამაში მოგებული გვეგონა, კონცეტრაცია დავკარგეთ და ეს იყო მიზეზი, რის გამოც ბოლოს ორი ბურთი გავუშვით. მაქსიმუმს გავაკეთებთ, რომ პორტუგალიასთან მატჩს სრულად მზად შევხვდეთ. შეცდომები უნდა გავაანალიზოთ, თავი ავწიოთ და ამ დასანანი მარცხის შემდეგ, ენერგია აღვიდგინოთ"
გიორგი აბუაშვილი: "მეტოქე მთელი თამაშის განმავლობაში დომინირებდა, თუმცა ვფიქრობ, ძალიან კარგად ვითამაშეთ. ყველაფერს გავაკეთებთ, რომ პორტუგალიას მოვუგოთ და ჯგუფიდან გავიდეთ"
