რუმინულ კრაიოვაში ჩატარებული წარმატებული მატჩების შემდეგ, გასაკვირი არაა, რომ საქართველოს ნაკრების ნახევარმცველის ანზორ მექვაბიშვილის შეძენით მთელი მსოფლიოს მასშტაბით რამდენიმე კლუბი იყო დაინტერესებული და კლუბთან აქტიური მოლაპარაკებები ჰქონდათ.
კლუბები, რომლებმაც კრაიოვას ტრანსფერის თაობაზე მიმართეს:
ფერენცვაროში, ლიეჟის სტანდარტი, ვოლფსბერგერი, ჰალ სიტი და რეალ ვალიადოლიდი იყვნენ, ასევე ინტერესი ორმა თურქულმა კლუბმა გამოთქვა.
სატრანსფერო ფანჯრის გახსნისას კრაიოვას მიზანი, გაყიდვის შემთხვევაში 1.5 მილიონი ევროს მიღება იყო, საქმე გართულდა მაშინ, როდესაც ყაზანის რუბინმა კლუბს 2.2 მილიონი ევრო შესთავაზა.
კრაიოვამ პოზიცია შეიცვალა, კლუბმა გადაწყვიტა თუ გაყიდიდა მაქსიმალური სარგებელი მიეღო და მექვაბიშვილის აცნობა თავიანთი ხედვის შესახებ, თავის მხრივ რუბინმა ფეხბურთელს ხელფასად წლიური 600 000 ევრო შესთავაზა.
მექვაბიშვილმა რუსეთში თამაშზე კატეგორიული უარი განაცხადა, ხოლო კრაიოვამ ევროპული კლუბებისთვის მოთხოვნილი 1.5 მილიონი გაზარდა მინუმუმ 2 მილიონ ევროზე.
ყველაზე ახლოს ტრასფერთან ვოლსფერგერი იყო, რომელიც 1 700 000 სთავაზობდა, რაც მათი მაქსიმუმი იყო.
ასევე ჰალ სიტი, რომელიც იჯარა გამოსყიდვის სისტემით ცდილობდა კრაიოვას დათანამხებას, რაზეც ასევე შეთანხმება ვერ შედგა.
საბოლოოდ კრაიოვამ მექვაბიშვილს აცნობა, რომ ზაფხულში არ გაყიდიდნენ, რადგან ნაკლებ თანხად გაყიდვაზე მეტად ურჩევნიათ მისი რესურსი მაქსიმალურად გამოიყენონ, რადგან კლუბს ჩემპიონობა სურს და ამასთანავე უეფას კონფერენს ლიგის საერთო ფაზაში ითამაშებს.
მექვაბიშვილმა ახალი სეზონიც კარგად დაიწყო და კრაიოვას მაისურით უკვე 5 საგოლე გადაცემა აქვს გაკეთებული.
