მხარეებს შორის მრავალწლიანი მოლაპარაკებები წარმატებით დასრულდა და სამეფო რბოლებში ამერიკული ბრენდი, კადილაკი ჩაერთვება, რომელიც გრიდზე მე-11 გუნდი იქნება.
კადილაკის ფორმულა 1-ის გუნდს მსოფლიოს მასშტაბით 4 ბაზა აქვს, მათ შორის სამი აშშ-ში (ინდიანა, მიჩიგანი, ჩრდილოეთ კაროლინა) და ერთი ინგლისში (სილვერსტოუნი). ბოლიდი საწყის წლებში ფერარის ძრავით იქნება აღჭურვილი და მის შექმნაზე აქტიურად დაახლოებით 200 ადამიანი მუშაობს.A new chapter begins as the Cadillac Formula 1™ Team officially joins the FIA Formula One World Championship for the 2026 season.@F1 | @Cadillac | @GM pic.twitter.com/i2V4Qy4wZA
— CadillacFormulaOne (@Cadillac_F1) March 7, 2025
შეგახსენებთ, რომ ფორმულა 1-ის 2025 წლის სეზონი სტარტს მომდევნო კვირაში აიღებს და პირველ გრან პრის ავსტრალია უმასპინძლებს. წლევანდელი სეზონით სამეფო რბოლების ჰიბრიდული და 10 გუნდიანი ერა ოფიციალურად დასრულდება.










