25-26 აპრილს თბილისში პადელის განვითარებისათვის მნიშვნელოვანი ეტაპი დაიწყო, ლემანს პადელმა უმასპინძლა ქვეყნის პირველ ბავშვებისა და მოზარდების ტურნირს, რომელმაც დიდი ინტერესი და მაღალი ჩართულობა გამოიწვია. ტურნირში მონაწილეობა მიიღო 36-მა გოგონებისა და ბიჭების გუნდმა. ახალგაზრდა სპორტსმენები ერთმანეთს ოთხ: 12, 14, 16 და 18-წლამდე ასაკობრივ კატეგორიაში შეეჯიბრნენ. ორ დღიანი შეჯიბრი გამოირჩეოდა კონკურენტული გარემოთი, ემოციური მატჩებითა და მაღალი სპორტული სტანდარტით, რაც კიდევ ერთხელ უსვამს ხაზს პადელის მზარდ პოპულარობას საქართველოში.
გაზრდილი ინტერესის ფონზე, უკვე გამოცხადებულია მომდევნო ტურნირი, 16-17 მაისს კუს ტბა პადელი გახდება ახალგაზრდა მოთამაშეების შეხვედრის ადგილი, სადაც კიდევ უფრო მასშტაბური და დაძაბული შეხვედრებია მოსალოდნელი. მაისის მეორე ნახევარი კი განსაკუთრებული იქნება ქართული პადელისთვის. კუს ტბა პადელი, საქართველოს პადელის ეროვნულ ფედერაციასთან ერთად, პირველად უმასპინძლებს საერთაშორისო ტურნირს FIP Promises-ს (21-24 მაისი). აღნიშნული სერია წარმოადგენს საერთაშორისო ფედერაციის ოფიციალურ ტურნირს ბავშვებისა და მოზარდებისთვის. ტურნირში მონაწილეობას მიიღებენ სხვადასხვა ქვეყნის წარმომადგენელი გოგო და ბიჭი მოთამაშეები ყველა ასაკობრივ კატეგორიაში, რაც მნიშვნელოვან ნაბიჯს წარმოადგენს საქართველოს პადელის საერთაშორისო რუკაზე პოზიციონირებისთვის და ადგილობრივი ახალგაზრდა სპორტსმენებისთვის ახალი შესაძლებლობების შექმნისთვის.
პადელი საქართველოში სწრაფად ვითარდება და ახალგაზრდული ტურნირები ამ პროცესის ერთ-ერთი მთავარი მამოძრავებელი ძალაა. აღსანიშნავია, რომ ბავშვებისა და მოზარდების მიმართულებით ტურნირების დაწყება შესაძლებელი გახდა სპონსორების მზარდი დაინტერესებისა და მათი აქტიური მხარდაჭერის შედეგად. მათი გვერდში დგომა არსებითად მნიშვნელოვანია პადელის განვითარებისთვის საქართველოში და ახალგაზრდა სპორტსმენებისთვის ახალი შესაძლებლობების შექმნისთვის.
პარტნიორის კონტენტი.
