მას შემდეგ, რაც ჩემპიონთა ლიგაზე, ევროპა ლიგასა და კონფერენს ლიგაზე 1/2 ფინალები დასრულდა, ჩემპიონატების განახლებული რეიტინგი გამოქვეყნდა.
შეგახსენებთ, პრემიერ ლიგამ ჩემპიონთა ლიგაზე 5 კლუბით ასპარეზობის უფლება რამდენიმე კვირის წინ გაინაღდა, დღევანდელი განახლებული რეიტინგის შემდეგ კი ევროპის ყველაზე პრესტიჟულ ტურნირზე 5 გუნდით წარსდგენის უფლება ლა ლიგამაც მოიპოვა.
განახლებული რეიტინგი:
1. ინგლისი - 28.125 ქულა
2. ესპანეთი - 22.094 ქულა
3. გერმანია - 21.786 ქულა
4. პორტუგალია - 20.500 ქულა
5. იტალია - 19.000 ქულა
ქულების დათვლა უეფას სამივე ტურნირზე მიღწეული შედეგებით განისაზღვრება, თუმცა ფინალურ მატჩებში რა შედეგიც არ უნდა დაფიქსირდეს, რეიტინგში მნიშვნელოვანი ცვლილებები აღარ მოხდება და ინგლისსა და ესპანეთს ვერც ერთი ქვეყანა ვეღარ დაეწევა.
