დღეს მეორე მედალი მოიპოვეს ქართველმა ბერძნულ-რომაული სტილით მოჭიდავეებმა, სლოვაკეთში მიმდინარე ევროპის ჩემპიონატზე.
ფინალში რამაზ ზოიძემ (77 კგ.) მსოფლიოს ჩემპიონის, სომეხი მალხას ამოიანის წინააღმდეგ იასპარეზა და საბოლოოდ, ვერცხლის მედალი მოიპოვა.
ქართველმა ევროპირველობის საწყის შეხვედრაში, ესპანელი მარკოს სანჩეს სილვა მეხიასი დაამარცხა, შემდეგ ჩეხ მიჩალ ზელენკას მოუგო, მეოთხედფინალში თურქი ახმეტ ილმაზი დაამარცხა, ნახევარფინალში კი შვედ პერ ალბიონ ოლოფსონს სძლია.
შეგახსენებთ, დღეს 17 წლის ვახტანგ ლოლუამ (55 კგ.) ევროპირველობაზე ბრინჯაოს მედალი დაისაკუთრა.
ხვალ გელა ბოლქვაძე (82 კგ.) ბრინჯაოს მედლისთვის იჭიდავებს. ბრინჯაოსთვის ბრძოლას რეპეშაჟიდან გააგრძელებენ ამირან შავაძე (60 კგ.) და ჯონი ხეცურიანი (67 კგ).
