იტალიის ჩემპიონატის პირველ ტურში ნაპოლი ვერონას დაუპირისპირდა, სეზონი წარუმატებლად დაიწყო და 3:0 დამარცხდა.
პირველი ტაიმის მიწურულს, ხვიჩა კვარაცხელიამ შეჯახების შემდეგ თავი შეუძლოდ იგრძნო და შეცვლა მოითხოვა.
LaGazzeta.ge-ის ინფორმაციით, ფეხბურთელი ტვინის შერყევაზე შეამოწმეს და მისი ამჟამინდელი მდგომარეობა სტაბილურია.
ჩვენივე ცნობით, კვარაცხელია გუნდთან ერთად ვარჯიშს ჩვეულებრივად განაახლებს და მომდევნო მატჩისთვის მზად იქნება. შემდეგ მატჩს ნაპოლი 25 აგვისტოს, ბოლონიას წინააღმდეგ გამართავს.