მიუნხენის ბაიერნის მთავარმა მწვრთნელმა ვინსენტ კომპანიმ პსჟ-სთან წაგებული მატჩი შეაფასა.
"რთული ასატანი და ძალიან გულდასაწყვეტია, რომ წავაგეთ. ასეთ თამაშებს მცირე დეტალები წყვეტს. კარგი თამაში გვქონდა, განსაკუთრებით პირველ ტაიმში. მომენტები შევქმენით, თუმცა მეტოქე გუნდი თავს ძალიან კარგად იცავდა.
უნდა ვაღიარო, რომ უძლიერესი გუნდის წინააღმდეგ ვითამაშეთ. სამწუხაროდ, ჩვენთვის ჩემპიონთა ლიგა დასრულდა, მაგრამ კიდევ იქნება შესაძლებლობა, რომ დავბრუნდეთ და ეს მომენტი მოტივაციად უნდა გამოვიყენოთ.
ყველაფერი ვცადეთ, მაგრამ ფინალში მაინც არ ვართ. პსჟ ბოლო ორ წელში საუკეთესო გუნდია და მათ წინააღმდეგ თამაში ყოველთვის რთულია", - განაცხადა კომპანიმ.
