რამდენიმე წუთის ბრატისლავაში დასრულდა ევროპის ჩემპიონატის პლეიოფის საპასუხო მატჩი სლოვაკეთისა და საქართველოს ფუტსალის ნაკრებებს შორის. შეხვედრა, მასპინძელთა სასარგებლოდ 5-3 დასრულდა. პირველი თამაში ჩვენმა გუნდმა თბილისში 4-1 მოიგო, ორი მატჩის ჯამში კი 7-6 გაიმარჯვა და ევროპის ჩემპიონატის საგზური მოიპოვა.ავთანდილ ასათიანის გაწვრთნილმა გუნდი ევროპირველობაზე ზედიზედ მეორედ ითამაშებს.
სლოვაკეთში გამართულ შეხვედრაში ანგარიში მასპინძლებმა გახსნეს, პირველ ტაიმში წონასწორობა ჩიმაკაძემ აღადგინა, პირველი ტაიმის დასრულებამდე კი დრაჰოვსკიმ დუბლი გაიფორმა და ანგარიში 2-1 გახადა.
მეორე ნახევარში საქართველოს პენალტით ანგარიშის გათანაბრება შეეძლოთ, თუმცა ღავთაძის დარტყმა არაზუსტი აღმოჩნდა, რამდენიმე წუთში ბელანიკმა მასპინძელთა უპირატესობა გაზარდა 3-1. სხვაობა არჩილ სებისკვერაძემ შემაცირა 3-2. წონოსწაორობა ირაკლი თოდუამ აღადგინა 3-3.აღსანიშნავია, რომ ჩვენი გუნდის კაპიტანმა, დღეს ნაკრებში მეასე მატჩი ჩაატარა. სლოვაკები მალევე დაწინაურდნენ, მატჩის დასრულებამდე კი 3 წუთით ადრე ბაჩომ სლოვაკთა უპირატესობა გაზარდა და საბოლოო ანგარიში 5-3 დააფიქსირა.
ევროპის ჩემპიონატი 2026 წლის 20 იანვრიდან 7 თებერვლის ჩათვლით ჩატარდება. ტურნირს ლატვია, ლიეტუვა და სლოვენია უმასპინძლებენ. წილისყრა 24 ოქტომბერს გაიმართება.
ფოტო: საქართველოს ფეხბურთის ფედერაცია
