2026 წლის მსოფლიო ჩემპიონატის განრიგი გამოცხადდა, რომლის მიხედვით ფინალური მატჩი MetLife Stadium-ზე გაიმართება (ნიუ ჯერსი/ნიუ იორკი), ხოლო მეხიკოში მდებარე Estadio Azteca-ს არენა ტურნირის გახსნით მატჩს უმასპინძლებს.
მექსიკა, კანადა და ამერიკის შეერთებული შტატები ტურნირის განმავლობაში სხვადასხვა რაოდენობის მატჩს უმასპინძლებენ. ეს იქნება პირველი 48-გუნდიანი მსოფლიო ჩემპიონატი. ტურნირისთვის არჩეულია 16 მასპინძელი ქალაქი, სადაც ,საერთო ჯამში, 104 მატჩი გაიმართება.
ჩემპიონატს მექსიკის იმ სტადიონზე გაიხსნება, სადაც 1986 წლის ფინალი გაიმართა. მექსიკაში კიდევ ორ ქალაქში ჩატარდება მატჩები, კერძოდ, მონტერეისა და გუადალახარაში. კანადას ჰყავს ორი მასპინძელი ქალაქი - ტორონტო და ვანკუვერი.
ამერიკის შეერთებულ შტატებს ყველაზე მეტი, 11 მასპინძელი ქალაქი ეყოლება: სიეტლი, სან ფრანცისკო, ლოს ანჯელესი, ჰიუსტონი, დალასი, კანზას სიტი, ატლანტა, მაიამი, ბოსტონი, ფილადელფია, ნიუ იორკი/ნიუ ჯერსი.
მსოფლიო ჩემპიონატი 2026 წლის 11 ივნისს დაიწყება და 19 ივლისამდე გაგრძელდება. 48 გუნდი დაიყოფა 12 ჯგუფად (თითოში 4 ნაკრები იქნება).
11 - 27 ივნისი: ჯგუფური ეტაპი;
29 ივნისი - 3 ივლისი: მეთექვსმეტედ ფინალი;
4 - 7 ივლისი: მერვედფინალი;
9 - 11 ივლისი: მეოთხედფინალი;
14 - 15 ივლისი: ნახევარფინალი;
18 ივლისი: მატჩი მესამე ადგილისთვის;
19 ივლისი: ფინალი;
იტვირთება…
