ცოტა ხნის წინ, ლივერპულის ოფიციალურმა საიტმა გამოაცხადა ,რომ სეზონის დასრულების შემდეგ გუნდის ერთ-ერთი ლიდერო მოჰამედ სალაჰი მერსესაიდულ კლუბს დატოვებს.
ამ ინფორმაციის ვადაზე ადრე გამოცხადება თავად ეგვიპტელის გადაწყვეტილება იყო, რათა მათდამი პატივისცემის გამო, გულშემატკივარს დროულად სცოდნოდა ყველაფერი.
2017 წლის ზაფხულში რომადან გადასული მე-11 ნომერი ლივერპულის ისტორიაში ერთ-ერთ უდიდეს მოთამაშედ ჩამოყალიბდა, რომელმაც კლუბს პრემიერ ლიგის ორი ტიტულის, ჩემპიონთა ლიგის, ფიფას საკლუბო მსოფლიო თასის, უეფას სუპერ თასის, FA თასის და ორი ლიგის თასის, ასევე FA Community Shield-ის მოგებაში დაეხმარა.
435 მატჩში გატანილი 255 გოლით, ეგვიპტელი ლივერპულის ყველა დროის საუკეთესო ბომბარდირების სიაში მესამე ადგილზეა, ოთხჯერ მოიგო პრემიერ ლიგის ოქროს ბუცი და მრავალი ინდივიდუალური ჯილდო.
