დადასტურებულად — არნე სლოტის გადაწყვეტილებით, მოჰამედ სალაჰი პრემიერ ლიგის მომდევნო ტურში, ბრაიტონთან სამატჩო განაცხადში მოხვდება! მას შემდეგ, რაც ნიდერლანდელ სპეციალისტსა და 33 წლის ეგვიპტელ ფეხბურთელს შორის საუბარი შედგა, გადაწყდა, რომ სალაჰი აფრიკის ერთა თასზე გამგზავრებამდე, გუნდის განაცხადში დაბრუნდებოდა.
შეგახსენებთ, მო სალაჰსა და არნე სლოტს შორის სერიოზულ კონფლიქტს აქვს ადგილი, რასაც შემდგომში ეგვიპტელის მედიასთან საკმაოდ ხმაურიანი განცხადებებიც მოჰყვა, რის გამოც ნიდერლანდელმა სპეციალისტმა ფეხბურთელი დასაჯა და ინტერთან სამატჩო განაცხადში არ შეიყვანა.
ამ დრომდე უცნობია ზემოხსენებულ შეხვედრაზე მხარეებს შორის რა თემებზე შედგა საუბარი, თუმცა გადაწყვეტილება საბოლოოა და მო სალაჰი ბრაიტონთან შეხვედრაში გუნდთან ერთად იქნება.
შეგახსენებთ, მო სალაჰი 15 დეკემბერს ეგვიპტის ეროვნულ ნაკრებს შეუერთდება და აფრიკის ერთა თასისთვის მზადებას შეუდგება.
