სერია A-ს მეხუთე ტურის ცენტრალური მატჩი სან სიროზე გაიმართა, სადაც მაყურებელმა მილანისა და ნაპოლის დაპირისპირება იხილა. "როსონერიმ" მძიმე ბრძოლაში მოახერხა და "პარტენოპეი" 2-1 დაამარცხა, რითაც მაქს ალეგრის გუნდმა ჩემპიონატში გალიდერება მოახერხა.
ნაპოლიდან ერთადერთი გოლი კევინ დე ბრუინმა გაიტანა, რომელიც მეორე ტაიმში ანტონიო კონტემ მოედნიდან 72-ე წუთზე გაიყვანა. შეცვლის დროს ბელგიელმა ფეხბურთელმა უკმაყოფილება არ დამალა და ეს ყველაფერი კადრებშიც კარგად გამოჩნდა.
მატჩის დასრულების შემდეგ ამ მომენტზე ანტონიო კონტემ მედიასთან ისაუბრა:
"კევინ დე ბრუინის შეცვლა? ჩემი მიზანი დასვენებული ფეხბურთელების თამაშში ჩართვა და სიტუაციის შეცვლა იყო. ჩვენ რაღაც ახალი გვჭირდებოდა, რათა ჩამორჩენა შეგვემცირებინა.
ბელგიელის რეაქცია ცვლილებასთან დაკავშირებით? იმედი მაქვს, რომ ის გაღიზიანებული იყო შედეგით, რადგან თუ ის სხვა რამის გამო გაბრაზდა, არასწორი ადამიანი აირჩია."
